【土耳其 🇹🇷 伊斯坦堡】因乜春事轉轉轉？ . 伊斯蘭教係土耳其主流宗教，什葉派旗下有一個支派叫蘇菲(Sufism)，係一個追求精神層面提升嘅伊斯蘭教團。遵行蘇菲主義嘅人被稱為「蘇菲行者」，他們認為透過冥想、禁慾、嚴格嘅極簡生活、旋轉都可以更接近到真神阿拉。由於佢哋對伊斯蘭教嘅詮釋方式有別於一般什葉派/ 遜尼派，有時都會被自己友歧視。 . 你無睇錯，自轉都可以接近真神。所以13世紀有個土耳其蘇菲支派領袖魯米(Rumi)創作咗呢個氹氹轉宗教舞蹈。唔好睇小呢隻舞（Mevlevi Semâ - 其實係宗教儀式）呀，響2005年已經被列入UNESCO非物質文化遺產㗎啦。相傳魯米持續旋轉36小時之後就得道，所以追隨者自此就以旋轉作為蘇菲派最重要嘅修煉方式。好多人買土耳其擺設手信都有呢隻白裙舞者，但係大多都唔知背後理念囉。... See More